ساكم الله بالخير يا جماعة الخير , شخباركم عساكم بخير : )
يقولون
البراد والحر والربيع والخريف للحين بالسعودية ؟ الجو على ماهو عليه من
قبل ما سافر يتقلب باليوم تعيش الفصول الأربعة , ماتدري تطلع بثوب شتوي ولا
بصيفي ولا تطلع بجاكيت ولا بلوفر ولا بدون ماتدري تطلع للدوام متدفي يالله
من فضلك لكن تطلع من الدوام المرتبة الي جمب السواق تشكي من كثر ما ينحط
الشمغ عليها ..
المهم مابي أطول وأشرح معاناة
أيامي بالسعودية والحر و خل نعطيكم من الخير الي عطانا إياه الله , أجواء
يارب لك الحمد بس والله ما يستاهلونه شعبهم " الإمريكي " ..
يا
طويلين العمر يوم الخميس الي راح الموافق 2 February يوم جاء أول كلاس الا
الدكتورة " بربرا " البثرة قرت علينا التعميم الي واصلهم تقول اليوم
الساعة 6 بالليل شيكوا على إيميلاتكم لأن أحتمال مافي دوام يوم الجمعة لأن
في توقعات بينزل ثلج ماهو صاحي كمية كبيرة عاد يوم قالت كذا خذلك الفرحة
وتعال شف شعبنا بالكلاس طايرين من الفرحة ههههههههه تذكرت أيام السنتره
قدام القناة الأولى يوم الجمعة نحتري إجازة هههههههههه المهم رجعت البيت
وأول ماجيت كل دقيقة أشوف شاشة الأيفون لعل يجي تنبيه أن فيه رسالة جديدة ,
المهم والله ماتجي الساعة 6 ونص الا وتجينن هالرسالة الزينه مضمونها :
I meant Friday, February 3rd! School is closed Friday, February 3rd!!Take care.
طبعاً بعد ما تطمنت إن مافي دراسة يوم الجمعة وأرتحت نفسياً لأن كان عندي أختبار بن لذينا ما يكفي يوم أذاكرة , المهم رقيت فوق للعجوز بنفس وبأتكيت كذا وأجلس وأحط رجل برجل عندها ونشوف الأخبار الا إنصدمت بدرجة الحرارة المتوقعة وبكمية الثلج قلت يا فرحه ما تمت لأننا كنا متواعدين كل العيال قلنا الجو ثلج وحليو نطلع سكيت و تمشي وناخذ لنا بيت في الجبل عند سلسلة الروكي لكن للأسف كل مخططنا راح هباء منثورا , كمية الثلج الي متوقعة كانت ( 10 إنش ) يا حبيبي حبيبآآه ..
ماعلينا جاء يوم الجمعة والا الدنيا مليانه ثلج وفيه ترفك بالطرقات ووقفوا عملية السير في بعض الطرقات كانت كمية الثلج مهوله جداً آخر مره جاهم مثل هالكمية قبل تقريباً ثلاث سنوات جيتهم أنا وجبت معي الخير لهم , عاد خذيت كم صورة قلت نوريكم الثلج عاد سبحان الله صادف هاليوم كمية غبار على الرياض مت ضحك على العيال وعلى أهلي , العيال ماغير أدعية وتنكيت أستغفر الله على الجو وأنا كل دقيقة حاط صورة لمنظر من مناظر الثلج والله ياهو فرق أقول للعيال هههههههههههههههههه
هذي الصور :
ليست هناك تعليقات:
إرسال تعليق